Ispanııa koronavırýsqa baılanysty shekarasyn jabady
MADRID. QazAqparat – Ispan bıligi koronavırýspen kúres boıynsha sharalardy kúsheıtý aıasynda sheteldikter úshin qurlyqtaǵy shekarasyn jabady, dep habarlaıdy QazAqparat Euronews-ke silteme jasap.
Bul shekteý tek Ispanııa azamattary, turýǵa yqtııarhaty bar tulǵalar, sheteldik dıplomattar, sondaı-aq elge kirýge májbúr ekenin dáleldeıtin jaǵdaıy bolǵanda qoldanylmaıdy.
17 naýryz kúni túnnen bastap jáne joǵary dabyl rejimi aıaqtalǵanǵa deıin ıspan azamattaryn, eldiń rezıdentterin jáne ıspan aýmaǵynda jumys isteıtin shekara mańyndaǵy aýdandardyń turǵyndaryn qospaǵanda, barlyq shekaralar jabyq bolady.
Ispan astanasynda vırýs juqtyrǵan 9000 adamnyń 300-den astamy qaıtys bolǵan.
Koronavırýstyń jańa túri katalondyq jeneralıtettiń basshysy Kım Toradan tabylǵany belgili boldy. Saıasatker Barselonadaǵy rezıdentsııasynda karantınde jatyp, jumysy jalǵastyra beredi.
Keshe koronavırýs Toranyń orynbasary Pere Aragonesten anyqtaldy. Buǵan deıin birneshe ıspan saıasatkerinen koronavırýs tabylǵan bolatyn. Onyń ishinde úkimettiń eki mınıstri, ıspan premeriniń jubaıy bar.
Qazirgi jaǵdaıda Ispanııa – álem boıynsha koronavırýs juqtyrý jaǵdaıy kóp tirkelgen Qytaı, Italııa men Irannan keıingi tórtinshi memleket.
