Ispanııa kitaphanasy Galıleo Galıleıdiń qundy traktatynyń urlanǵanyn jasyryp kelgen
MADRID. QazAqparat - Italııalyq astronom Galıleo Galıleı (1564-1642) daıyndaǵan traktat Ispanııanyń Ulttyq kitaphanasynan urlanǵan, dep habarlaıdy QazAqparat El Pais gazetine silteme jasap.
Basylymnyń jazýynsha, koroldiktiń negizgi qoǵamdyq kitaphanasy tórt jyl boıy qujattyń joǵalyp ketkenin jasyrǵan, onyń quny 800 myń eýro bolýy múmkin.
Áńgime 1610 jyly jaryq kórgen Sidereus nuncius astronomııalyq traktaty jaıynda bolyp otyr. Ol 2014 jyly kitaphanadan urlanǵan, biraq basshylyqqa joǵalǵany týraly habarlaý úshin tórt jyldan astam ýaqyt qajet boldy.
Osy merzim ishinde kitaphana katalogynda traktat urlyqshy ornyna qaldyrǵan jalǵan nusqasyna qaramastan, túpnusqa retinde sanalyp kelgen.
2018 jyldan bastap Ulttyq polıtsııanyń arnaıy bólimshesi qujattyń joǵalǵanyn tergeýde. Іs boıynsha basty kúdikti - 2004 jyly qujatqa qyzyǵýshylyq tanytqan jáne 2007 jyly kitaphanadan eki kartany urlaýǵa qatysqan Ýrýgvaı azamaty.
Galıleo Galıleı - óz zamanynyń ǵylymyna aıtarlyqtaı áser etken ıtalııalyq fızık, mehanık, astronom, fılosof, matematık. Ol alǵashqylardyń biri bolyp aspan denelerin baqylaý úshin teleskopty qoldandy jáne birqatar kórnekti astronomııalyq jańalyqtar ashty.
