Ispanııa Qazaqstanǵa sottalǵan adamdardy beretin boldy - Parlament
ASTANA. 2 mamyr. QazAqparat - Búgin Parlament Senatynyń jalpy otyrysynda «Qazaqstan Respýblıkasy men Ispanııa Koroldigi arasyndaǵy sottalǵan adamdardy berý týraly shartty ratıfıkatsııalaý týraly» zańy qabyldandy.
Qazaqstan men Ispanııa arasyndaǵy osy kelisimge byltyrǵy jyldyń qarashasynda Madrıd qalasynda qol qoıylǵan. Atalǵan qujat ýaǵdalasýshy taraptardyń azamattaryn ózderi azamaty bolyp tabylatyn memlekette jazasyn odan ári óteý úshin berý máselelerin retteýge baǵyttalady. Buǵan úkimdi shyǵarýshy memleket nemese úkimdi oryndaýshy memleket berýge bastamashylyq jasaı alady.
Bul rette taraptar sottalǵan adamdardy berýge qatysty bir-birine barynsha járdem kórsetýge mindettenedi. Úkimdi shyǵarýshy memleket nemese úkimdi oryndaýshy memleket bastamashy bola alady. Úkimdi shyǵarýshy memleket shyǵarǵan úkim oryndaýshy memlekette qatańdatyla almaıdy, sonymen birge memleketterde taǵaıyndalǵan jaza óziniń sıpaty men uzaqtyǵy boıynsha ózgertilmeıdi. Degenmen, úkimdi shyǵarýshy memleket nemese onyń kelisimimen úkimdi oryndaýshy memleket oǵan zańdy negizder bolǵanda raqymshylyq jasaýdy, keshirim jasaýdy nemese jazany jeńildetý jónindegi ózge de sharalardy qoldana alady.
