Ispanııa karantındi mamyrdyń ortasyna deıin uzartpaqshy
MADRID. QazAqparat – 14 naýryzdan bastap karantın engizilgen Ispanııada sońǵy 24 saǵatta koronavırýstan 435 adam qaıtys boldy. Bul týraly QazAqparat Marca News-ke silteme jasap habarlaıdy.
Osylaısha, elde vırýstan qaıtys bolǵandardyń jalpy sany 21 717 adamǵa jetti.
Ispanııa premer-mınıstri Pedro Sanches tótenshe jaǵdaıdy uzartýǵa ótinish beretinin málim etti. Sársenbi kúni onyń usynysy Parlament talqylaýyna shyǵarylady. Eger maquldansa, elde karantın osy jyldyń 9 mamyryna deıin uzartylady.
Ár senbi Sanches Ispanııa úkimetiniń ǵylym komıtetimen koronavırýs jaǵdaıy týraly esepti tyńdaý úshin vıdeokonferentsııa ótkizip jatyr. Karantın 26 sáýirde taǵy 15 kúnge sozylýy múmkin.
Eske salaıyq, elde 205 000 koronavırýs jaǵdaıy tirkeldi. Osylaısha, Ispanııa Italııadan «asyp túsip», aýrý juqtyrǵandar sany boıynsha álemde ekinshi orynda tur.
Foto: coronavirus.of.by