Ispanııa karantın rejımin birtindep jeńildetpek
NUR-SULTAN. QazAqparat - Ispanııa karantın rejımin birtindep jeńildetýdi josparlap otyr, dep habarlaıdy QazAqparat Tótenshe jaǵdaı rejımin qamtamasyz etý jónindegi Memlekettik komıssııanyń Jedel shtabyna silteme jasap.
Jedel shtab taratqan málimetterge qaraǵanda, ótken táýlikte bul elde koronavırýs ınfektsııasynan taǵy 440 naýqas qaıtys boldy, bul odan aldyńǵy táýlikte qaıtys bolǵandardyń sanynan kóp. Taǵy 4 635 adamnyń vırýsty juqtyrǵany anyqtaldy.
Jalpy alǵanda, Ispanııadaǵy koronavırýstan kóz jumǵandar sany 22 myń adamnan asty.
Degenmen, Ispanııada indettiń taralýy báseńdep keledi. El Úkimeti karantın rejımin mamyr aıynyń ortasynan bastap bosatýdy josparlap otyr.
14 jasqa tolmaǵan balalarǵa osy jeksenbi kúni dalaǵa serýendeýge shyǵýǵa ruqsat etiledi. Buǵan deıin olarǵa úıden shyǵýǵa tyıym salynǵan bolatyn
Foto: TASS