Ispanııa Fýtbol federatsııasynyń prezıdenti Eýro-2012-ni keıinge qaldyrýdy usyndy
ASTANA. 2 mamyr. QazAqparat - Ispanııa Fýtbol federatsııasynyń prezıdenti Eýro-2012-ni keıinge qaldyrýdy usynyp otyr.
Atalmysh federatsııa prezıdenti Anhel Marııa Vılıar Eýropalyq fýtbol odaqtary qaýymdastyǵynyń jetekshiligine Eýro-2012-niń ýkraınalyq bóligin Pıreneıada ótkizýdi usyndy. Bul týraly sheteldik sport basylymdary habarlaıdy.
Oqıǵanyń bulaısha óris alýy Dnepropetrovskide bolǵan birneshe lańkestik áreketterdiń jáne Ýkraınanyń eks-premeri ıÝlııa Tımoshenkonyń isimen baılanysty bolyp otyr. Eýropalyq kóshbasshylar, naqtyraq aıtqanda Germanııa kantsleri Angela Merkel, Ýkraınada ótetin Eýropa chempıonatyna boıkot jarııalamaq. Al 30 sáýirde Ýkraınanyń Infraqurylym mınıstri Borıs Kolesnıkov Nonda ótken ÝEFA-nyń baqylaýshy keńesi májilisiniń qorytyndysy boıynsha, óz eliniń týrnırdi uıymdastyrýǵa saqadaı-saı otyrǵandyǵyn málimdedi.
Eýropalyq fýtbol odaqtary qaýymdastyǵynyń prezıdenti Mıshel Platını Kıevtiń barlyq usaq-túıek máselelerdi sheshetindigine senim bildirdi. Al ÝEFA-nyń Eýro-2012-degi operatsııalyq dırektory Martın Kallen eýropalyq fýtbol birinshiliginiń keıinge shegerilý múmkindigin túbegeıli joqqa shyǵardy. «Bul múmkin emes, týrnırdiń ótýine nebári 40 kúnnen az ýaqytqaldy», - deıdi ol.
