Ispanııa Densaýlyq saqtaý mınıstri jemqorlyqqa baılanysty qyzmetinen ketti
ASTANA. QazAqparat - Ispanııanyń Densaýlyq saqtaý mınıstri Ana Mato otstavkaǵa ketti. Sýdıa ony zańsyz kelisimderden paıda tapty dep aıyptady. Bul týraly VVS habarlady.
Onyń kúıeýi de jemqorlyq iske qatysty daýǵa shyrmalǵan. Naqtyraq aıtqanda, eldegi jetekshi Halyqtyq partııamen baılanysty óte aýqymdy sybaılas jemqorlyqqa qatysty qozǵalǵan iste onyń kúıeýi Hesýs Sepýlvedanyń da aty atalady. Biraq, Matonyń ózi ol iske qatysty emes ekenin málimdedi. Ol óz sózinde eshqandaıda qylmysqa qatysy joq ekenin aıtyp, otstavkaǵa memlekettiń múddesi úshin ketip bara jatqanyn jetkizdi.
