Ispanııa chempıonatynda «Barselona» 62 upaı jınap, kósh bastady
ASTANA. QazAqparat - Fýtboldy súısine qaraıtyn qazaqstandyq jankúıerler sheteldik klýbtardyń da tartysty básekelerine erekshe nazar aýdaratyny anyq.
Ásirese, álemdik fýtbol juldyzdary oınaıtyn Ispanııa chempıonatyndaǵy áıgili klýbtardyń oıyndaryn tamashalaıtyndar az emes.
Osy ýaqytqa deıin kósh bastap kele jatqan Madrıdtiń «Realy» «Atletık» oıynshylarynan 1:0 esebimen utylyp, ekinshi orynǵa túsip qaldy. 26-týr oıyndaryn ótkizgen «Barselona» óz alańynda «Raıo Valekano» komandasyn qabyldap, 6:1 esebimen oısyrata jeńdi. Áıgili argentınalyq Lıonel Messı het-trık jasap, úsh goldyń avtory atandy.
Sóıtip, 26 oıynnan keıin «Barselona» 62 upaı jınap, birinshi orynǵa kóterildi, al «Realdyń» 61 upaıy bar. Úshinshi orynda 55 upaı jınaǵan «Atletıko» komandasy keledi.
Aıta ketý kerek, osy chempıonat barysynda «Barselona» tórt-aq ret utylyp, eki ret teń oınaǵan. Al «Real» qarsylastaryna 5 ret utylyp, 1 ret teń túsipti. Osy eki komandanyń da jeńisteri teń, ıaǵnı, 20 ret ózge komandalardan basym túsken.
