Ispanııa azamattardyń nekege turý jas mólsherin ózgertti
ASTANA. QazAqparat - Ispanııada sársenbi kúni «Erikti ıýrısdıktsııa týraly» Zań qabyldanýyna baılanysty azamattardyń nekege turý jas mólsheri 16 jas dep ózgertildi, dep habarlady «VVS» agenttigi.
Ispanııanyń Azamattyq kodeksi boıynsha buǵan deıin 14 jasqa tolǵan eldiń azamattary sýdıanyń ruqsatymen zańdy nekege tura alatyn bolǵan. Bul tájirıbe boıynsha sońǵy jyldary nekege turýshylar sany azaıǵan. Naqtyraq aıtqanda, byltyr 14 jasqa tolǵan azamattar arasynda tek 5 neke ǵana tirkelgen. Al, 1975 jyldan beri 16 jastan tómen azamattar arasynda barlyǵy 28 690 neke qıyldy. Jańa zańda jasóspirimderdi jynystyq qatynasqa kúshtep kóndirýdiń aldyn alý qarastyrylǵan. Aıta ketý kerek, Ispanııada búkil Eýroodaq elderi arasynda azamattardyń nekege turý jasy eń tómen bolyp kelgen.
