Ispanııa aýrýhanasynda lıftte qalyp qoıǵan áıel mert boldy
ASTANA. QazAqparat - Ispanııanyń ońtústigindegi Sevıle aýrýhanasynda áıel adam lıftte bolǵan jantúrshigerlik apattyń qurbanyna aınaldy, dep jazady reseılik newsday24.ru.
Atalmysh saıttyń habarlaýynsha, áıel osy aýrýhanada emdelip jatqan, al medıtsına qyzmetkerleri ony zembilmen bir qabattan ekinshi qabatqa jetkizbek bolǵan. Medıkter áıeldi ekinshi qabattan lıftke kirgizbek bolǵanda lıft ózdiginen júrip ketken. Bul ýaqytta zembildiń jartysy lıftke kirip, qalǵan bóligi kirip úlgermegen.
Osylaısha lıft emdelip jatqan áıeldi ekige bólip tastady. Kezekshi dárigerler oǵan kómek kórsetýge tyrysqanymen odan esh nátıje shyqpady. Óıtkeni áıeldiń jaraqattary tym aýyr bolatyn, dep jazady Sunday Express.
Qaıǵyly jaǵdaı jeksenbi kúni kúndiz bolǵan. Qazirgi tańda atalǵan fakt boıynsha tergeý jumystary júrip jatyr.
