Ispanııa aýmaǵyna aspannan beımálim zat qulady
ASTANA. QazAqparat - Ispanııadaǵy Azamattyq gvardııaǵa qarasty hımııalyq qorǵanys bóliminiń sarbazdary dabyl boıynsha kóterildi, dep habarlaıdy 24.kz.
Sóıtse, Mýla qalasyndaǵy aýdandardyń birine dıametri 1 metrlik beımálim zat qulap túsipti. Dóńgelek pishindes zattyń salmaǵy shamamen 20 keli. Hımıkterdiń aıtýynsha, bul Jerdiń jasandy seriginiń qaldyǵy bolýy múmkin. Іsten shyqqan spýtnık endi ǵarysh «qoqysyna» aınalǵan. Mamandar onyń radıoaktıvtilik normalaryna sáıkes ekendigin anyqtady. Zattan jarylǵysh elementter men aýrý týdyrǵysh bakterııalar tabylmaǵan. Ispanııa aeroǵarysh sarapshylary «mundaı qoqysty aspannan túse qalady» dep kútpegenderin aıtty. Onyń qulaýy saldarynan eshkim zardap shekkken joq, dep jazady espanarusa.com.
