Ispanııa 8 tamyzdan bastap Italııadan keletin jolaýshylardy tekserýdi kúsheıtedi
ASTANA. KAZINFORM – Ispanııa Italııadan keletin jolaýshylarǵa áýejaılar men porttardaǵy baqylaýdy ýaqytsha kúsheıtedi. Іshinara tekserýler 8 tamyzda bastalyp, 7 qyrkúıekke deıin jalǵasady, dep habarlaıdy TASS.
El País gazetiniń málimetinshe, jolaýshylardyń jeke basyn jáne azamattyǵyn rastaıtyn qujattary tekseriledi. Bul shekarany tolyq jabýdy bildirmeıdi, tek ishinara baqylaý engiziledi.
Mundaı shara Ispanııanyń Seýta avtonomııalyq qalasynda jaqynda bolǵan mıgratsııalyq daǵdarysqa baılanysty qabyldanyp otyr. Shilde aıynyń sońynda ondaǵan myń zańsyz mıgrant Marokko aýmaǵynan Seýtaǵa teńiz arqyly júzip nemese tolqyn tosqaýylyn jaıaý aınalyp ótip kirgen.
Qaýipsizdikti kúsheıtý úshin Seýtaǵa áskerı qyzmetshiler jiberildi. Aldyn ala málimet boıynsha, kelgen mıgranttardyń basym bóligi keıin Marokkoǵa qaıtarylǵan.
Seýtadaǵy oqıǵalardan keıin Italııa Ispanııaǵa qatysty Shengen kelisiminiń qoldanylýyn ýaqytsha toqtatty. Ispanııa Syrtqy ister mınıstrligi bul sheshimdi negizsiz dep atady.
Aıta keteıik, Ispanııa Seýtadaǵy mıgratsııalyq daǵdarys qurbandary týraly jańa málimet jarııalady.
