Ispanııa 2026 jyly qorǵanys shyǵyndaryn JІÓ-niń eki paıyzy deńgeıinde saqtaıdy
ASTANA. KAZINFORM - Qorǵanys ónerkásibi ókilderimen ótken kezdesýde sóılegen sózinde Valkarse jýrnalısterge sońǵy jyldary qorǵanys bıýdjeti birtindep ósip, 34 mıllıard eýrodan asqanyn aıtty, dep habarlaıdy Euronews.
Onyń sózinshe, Ispanııa 2025 jylǵa qaraı áskerı shyǵyndardy JІÓ-niń eki paıyzyna jetkizý jónindegi maqsatqa qol jetkizgen. Osylaısha el NATO boıynsha seriktesteri men odaqtastary aldynda alǵan mindettemelerin oryndady.
Memlekettik hatshy ınvestıtsııalardyń edáýir bóligi qaýipsizdik pen qorǵanysqa arnalǵan ónerkásiptik-tehnologııalyq jospar aıasynda ulttyq ónerkásiptik jáne tehnologııalyq bazany nyǵaıtýǵa baǵyttalatynyn da jetkizdi.
Óz sózinde Valkarse Ispanııa men Eýropanyń qorǵanys saıasaty «senimdi tejeý» tujyrymdamasyna negizdeletinin atap ótti.
Onyń pikirinshe, memleketter óz qaýipsizdigin qamtamasyz etetin jetkilikti áleýetke ıe bolǵan jaǵdaıda, qarsylasý qaýpi tómendeıdi.
Buǵan deıin AQSh-ta qorǵanys saıasatyna qatysty rekordtyq 900 mlrd dollar kólemindegi zań jobasy ázirlenip jatqany habarlanǵan bolatyn.
