Ispandyq sáýletshi Astanadaǵy býlvardy kúmbezdiń astyna alý tujyrymdamasyn pysyqtap jatyr
ASTANA. QazAqparat - Álemde ózindik fýtýrıstik qurylystarymen tanymal ıspandyq sáýletshi Santıago Kalatrava Vals «Nur jol» jelek jolynyń ústine áınekten kúmbez turǵyzý tujyrymdamasy boıynsha jumysyn bastap ketti, dep habarlaıdy QazAqparat.
«Búginde talqylanyp jatqan «Nur jol» býlvarynyń taqyrybyn álemge tanymal sáýletshi Kalatrava qarastyryp jatyr. Osy oraıda onyń tıisti usynysyn kútip otyrmyz. Atap aıtqanda, búginde álem elderi onyń týyndylaryna qol jetkizýge tyrysyp júr. Qazirgi kezde ol tujyrymdamany pysyqtaý ústinde. «Nurly jol» býlvarynyń irgetasy bolashaqta ekinshi-úshinshi qabatty salý múmkindigin eskere otyryp qalanǵan. Bul turǵyda irgeles ornalasqan nysandardy áınek dálizben jalǵaý eskerilip otyr», - Astana qalasynyń Sáýlet jáne qala qurylysy basqarmasy basshysy Baqtybaı Taıtalıev Ortalyq kommýnıkatsııalar qyzmetindegi baspasóz máslıhatynda.
Sonymen qatar ol jaqyn arada Astanada qazirgi zamanǵy stıldegi velosıped-jaıaý júrginshiler kópiriniń, Qabanbaı batyr dańǵyly boıynsha Jekpe-jek saraıynyń qurylysy josparlanǵanyn atap ótti.
Belgili bolǵandaı, bıyl qalada 2 mıllıon 200 myń sharshy metr kóleminde turǵyn úı salynady dep kútilýde.
