Ispandyq ǵalymdar adamnyń kúızeliske ushyraý deńgeıin qadaǵalaı alatyn qurylǵy daıarlady
ASTANA. 6 qańtar. QazAqparat - Madrıdtiń Polıtehnıkalyq ýnıversıtetiniń zertteýshileri adamnyń kúızeliske ushyraý deńgeıin qadaǵalaýǵa múmkindik beretin qurylǵyny ázirlep shyǵardy.
Jergilikti BAQ-tyń jazýynsha, onyń júıesinde fızıologııalyq dabyldar tirkeıtin apparattyq, sondaı-aq naqty ýaqyt rejıminde bul kórsetkishterdi saraptaıtyn jáne adamnyń kóńil-kúıin de bilýge múmkindik beretin baǵdarlamalyq qamtamasyz etý qarastyrylǵan.
Ǵalymdardyń pikirinshe, qurylǵyny kóptegen salalarda paıdalanýǵa bolady, alaıda ol negizinen jol qozǵalysy qaýipsizdigin qamtamasyz etý baǵytynda jumys istemek.
Bundaı jańa júıe júrgizýshiniń jolda uıyqtap ketýiniń aldyn alýǵa jáne kólikti basqarý tártibin agressıvti etetin kúızelis jaǵdaıyn anyqtaýǵa qaýqarly.
Sonymen qatar bul qurylǵy kóbinese adamdarmen jumys isteıtin keńse qyzmetkerleri arasynda keńinen qoldanylýy yqtımal.
