Ispandyq arheologtar jartasqa sýretter salynǵan paleolıt dáýirindegi úńgirdi tapty
ASTANA. QazAqparat - Ispandyq arheologtar erekshe sýretter salynǵan paleolıt dáýirindegi úńgirdi tapty, dep habarlaıdy The Guardian.
Baskov elderiniń soltústigindegi jer astyndaǵy Atksýrra (Atxurra) úńgirindegi jartastardan 70-ke jýyq beıneler tabyldy. Sýretter attardy, buqalardy, eshkiler men buǵylardy beınelegen. Tarıhshylardyń pikirinshe, bular 12,5 - 14,5 myń jyl buryn salynǵan. Aıta keter bolsaq, úńgirdi 1929 jyly tapqan bolatyn, ony zertteýmen 1934-35 jyldary ǵana shuǵyldana bastady. Biraq ol shaqta ǵalymdar esh nárse tappaǵan edi. Arheologta tek 2014 jyly ǵana jumysty qaıta jandandyrdy.
Sarapshylardyń sózerine qaraǵanda, jartastaǵy sýretter Ispanııadaǵy úńgirlerden tabylǵan buǵan deıingi sýretter tárizdi tanymal bolady dep aıtýǵa áli erte. Briaq olar buǵan nyq senimdi. Degenmen Atksýrra úńgirine jetý óte kúrdeli. Sodan da bolar jurtshylyqtyń kórý úshin ashyla qoıýy da neǵaıbil.
Bir qyzyǵy, arheolgtar buqa beınelengen, onyń denesine jıyrma naıza qadalǵan sýretke basa nazar aýdaryp otyr. Ádette, ań aýlaý kezin kórsetken sýretterde tórt nemese bes naıza salynatyn, al munda olardyń sany 20. Ǵalymdar osyǵan jaýap taba almaı otyr.
