Ispandar kózildirikpen selfı túsirýdi oılap tapty
ASTANA. QazAqparat - Selfıge túsý edáýir jeńildeı tústi. Ispanııada WeOn atty startap kúnge kıetin kózildirikpen selfıge túsirýdi oılap taýypty.
Bul úshin tek kózildirikti kıip, onyń jaqtaýynyń oń jaq shetindegi qos tetikti bassańyz jetip jatyr. Sol kezde siz smartfonyńyzdy basqaryp, selfıge túse alasyz. Tipti onyń barysynda smartfonnan 60 metrge deıin qashyqtaýǵa bolady, dep jazady 24.kz.
«Selfıge túsýdiń jolyn ózgertkimiz keledi. Al kózildirik - biz úshin úırenshikti zat, biz ony kez kelgen jerde kıip júre alamyz. Sol sebepti biz monopod nemese selfı-taıaqsha syndy soraıǵan quraldan arylý úshin kózildirikke kiriktirilgen osyndaı qurylǵyny oılap taptyq», - deıdi WeOn kompanııasynyń negizin qalaýshylardyń biri.
WeOn kózildiriginiń áınegi quramynda joǵary sapaly lınzalary bar óte myqty, biraq jeńil polıkarbonattan jasalǵan, dep jazady espanarusa.com.
