Ispan reperi Pablo Haseldiń tutqyndalýy narazylyq aktsııasyn týǵyzdy

BARSELONA. QazAqparat – Ispandyq rep oryndaýshysy Pablo Haseldiń tutqyndalýy birqatar qalada polıtsııamen qaqtyǵysqa ulasqan narazylyq aktsııalaryn týdyrdy, dep habarlaıdy QazAqparat Euronews agenttigine silteme jasap.

Barselonada myńdaǵan adam kóshege shyqty. Olar qoqys jáshikterin órtep, polıtseılerdi taspen atqylap jatyr.

Ispanııa koroldik úıiniń ókilderin «parazıtter, mafıozdar, urylar jáne qylmystyq top» dep ataǵan, sondaı-aq polıtsııany «mıgranttardy óltirdi» dep aıyptaǵan tvıti úshin Hasel toǵyz aıǵa qamaýǵa alyndy.

Joǵarǵy sot muny monarhııany qorlaý jáne terrorızmdi dáripteý dep qabyldady.

Reper ózin-ózi quqyq qorǵaý organdaryna tapsyrýǵa mindetteldi, biraq ol odan bas tartyp, Leda ýnıversıtetinde jaqtastarymen birge bir kún bolǵan, sodan keıin ustalǵan.

Pablo Hasel kommýnıstik kózqarasty ustanady, bul onyń shyǵarmashylyǵynda kórinis tapqan.

Buǵan deıin ol «sottyń úkimin kútip, shetelde jasyrynýǵa bolatyn edi, biraq elde qalyp, kúresý áldeqaıda paıdaly» dep málimdegen bolatyn.