Ispan fýtbolshylary «smokıng» kıemiz dep, kúlkige qaldy (FOTO)
ASTANA. QazAqparat - Kóptiń biri bolyp, kózge túse qoımaıtyn keıbir fýtbol klýbtary elden erekshe kóriný úshin neshetúrli qadamdarǵa barady. Sonyń biri - Ispandyq fýtbol dıvızıonynda úshinshi bolyp, Segunda B-da óner kórsetetin «Kýltýral ı Deportıva Leonesa» klýby. Jurtty eleń etkizbek bolǵan klýb jaqynda jankúıerleriniń narazylyǵyna qaldy, dep jazady sheteldik BAQ.
Aqparat kóziniń jazýynsha, olar sheberlikterimen emes, jańa sporttyq kıimmen kózge túskisi kelgen bolsa kerek. alaıda, fýtbolshylardyń sándi kostıým úlgisinde tigilgen fýtbolkamen alańǵa shyqqanyn jurt jaqtyrmaǵan. Jańa dızaın týraly áleýmettik jelilerde ártúrli pikir jazylyp, kóp talqylanǵan. Klýb jankúıerlerine olardyń mundaı marketıngtik qadamy unamaǵan syńaıly. Kópshiligi muny ázilge aınaldyryp, mazaq qyldy, delingen maqalada.
