Ispan arheologtary Rımde ıÝlıı Tsezardyń óltirilgen naqty jerin tapty
ASTANA. 12 qazan. QazAqparat - Rımdegi Mars alańynda ıspandyq arheologtar ıÝlıı Tsezardiń óltirilgen naqty jerin anyqtady.
Búgin jergilikti BAQ-nyń habarlaýynsha, Pompeı birinshi tas teatrynyń ornyndaǵy qazba jumystaryn júrgizý kezinde ǵalymdar ǵımarattyń ishki qurylystaryna jatpaıtyn jáne Antıka zamanyndaǵy uly adamdardyń birine ornatylǵan eskertkishke uqsaıtyn tsement plıtasyn tapty.
Mamandardyń pikirinshe, eni úsh metr, bıiktigi eki metrlik eskertkish Tsezardiń óltirilgen jerinde onyń shóbere uly men murageri - ımperator Avgýst bılikte otyrǵan kezde ornatyldy. Plıtanyń ornalasýy tarıhshylardyń Tsezardyń Senat otyrysynda tóraǵa bolyp, dárejesi boıynsha tıesili orynda óltirilgeni týraly teorııany rastaıdy.
Óz zamanynyń tanymal saıası qaıratkeri, qolbasshysy jáne jazýshysy Gaı ıÝlıı Tsezar bizdiń dáýirimizge deıingi 44 jyldyń 15 naýryzynda Senat otyrysy kezinde qastandyq jasaýshy respýblıkashylardyń qolynan qaza tapty. Ǵalymdar aldyn ala kelisýshilik boıynsha qastandyq jasaýshylardyń árqaısysy ony hatqa arnalǵan ótkir aǵash taıaqshasymen bir ret bolsa da urýǵa tyrysqan.
Ólimnen keıin kóne Rım dıktatorynyń denesinde 23 túırelgen jaraqat anyqtaldy. Búginde Tsezardyńarheologtar anyqtaǵan orynda aýyr soqqydan nemese qan quıylýynan qaza tapqany belgisiz bolýda.
