ISO 37001 standarty qazaqstandyq eksporttaýshylardyń sheteldik naryqtarǵa shyǵý múmkindigin arttyrady
NUR-SULTAN. QazAqparat - QazISO 37001 sybaılas jemqorlyqqa qarsy standartyn engizgen Qazaqstannyń kez kelgen kompanııasy «Parasatty kompanııa» mártebesin alady, dep habarlaıdy QazAqparat Qazaqstan Respýblıkasy Saýda jáne ıntegratsııa mınıstrliginiń bapasóz qyzmetinge silteme jasap.
Osy standart uıymdarda sybaılas jemqorlyqqa qarsy áreket etýge jáne etıkalyq negizdelgen mádenıetti damytýǵa baǵyttalǵan (sybaılas jemqorlyqty qabyldamaý mádenıeti).
Halyqaralyq standarttarǵa sáıkes parasatty kompanııa sybaılas jemqorlyqtyń aldyn alý úshin aqylǵa qonymdy rásimderdiń 6 qaǵıdasyn paıdalanady: mólsherles rásimder; joǵary deńgeıdegi beıimdilik; táýekelderdi baǵalaý; zańdyq saraptama; kommýnıkatsııa (oqytýdy qosa alǵanda); monıtorıng jáne sholý.
Qazirgi ýaqytta standart álemde belsendi qoldanylady. Ony engizgen kompanııalar eýropalyq seriktester arasynda óziniń bedeli men básekege qabilettiligin arttyrady. Osyǵan baılanysty Saýda jáne ıntegratsııa mınıstrligi óz qyzmetinde sybaılas jemqorlyqqa qarsy sharalar men táýekelderdi ustanatyn kásiporyndar sanyn arttyrý úshin ISO 37001 halyqaralyq standartyn engizýge umtylýda.
QR ST 3049 – 2017 standarty qazaqstandyq tájirıbege qazirdiń ózinde ISO 37001 halyqaralyq standartyna tolyǵymen sáıkes keledi jáne «Sybaılas jemqorlyqqa qarsy is-qımyl týraly» QR Zańyn iske asyrý quraly retinde quryldy.
Atalǵan standartty qoldaný 2020 jyldan bastap bastalady. Ulttyq akkredıtteý ortalyǵy menedjment júıesin sertıfıkattaý organdaryn akkredıtteýge kirisedi, sol kezde olarǵa qazaqstandyq kompanııalar men uıymdarda sybaılas jemqorlyqqa qarsy standartty engizý boıynsha ókilettikter beredi.
Standartty qoldanýdyń bastapqy kezeńi oqytýdy kózdeıdi. Osyǵan baılanysty QR Prezıdenti janyndaǵy Memlekettik basqarý akademııasynyń qyzmetkerleri men sertıfıkattaý organdarynyń mamandary úshin standartty ázirleýshilerdiń biri - Vanessa Harrıson «ISO 37001: paraqorlyqpen kúres menedjmenti júıesi. Paıdalaný boıynsha talaptar men usynystar» taqyrybynda semınar ótkizdi.
Vanessa Harrıson – álemdik deńgeıdegi úzdik uıymdar arasynan Brıtandyq standarttar ınstıtýtyn (BSI) usynady, ol búkil álem boıynsha qazirgi zamanǵy standarttar men sertıfıkattaýdy, onyń ishinde sybaılas jemqorlyqqa qarsy is-qımyl jónindegi Brıtandyq standartty ázirlep shyǵarǵan.
Semınardy Qazaqstan Respýblıkasy Prezıdentiniń janyndaǵy Memlekettik basqarý akademııasynyń qoldaýymen Qazaqstan Respýblıkasy Saýda jáne ıntegratsııa mınıstrligi uıymdastyrdy.
Qazaqstan Respýblıkasynyń Saýda jáne ıntegratsııa vıtse-mınıstri Qaırat Tórebaev pen Qazaqstan Respýblıkasy Prezıdentiniń janyndaǵy Memlekettik basqarý akademııasynyń birinshi vıtse-rektory Erkin Dýsıpov quttyqtaý sóz sóıledi.
Qaırat Tórebaev atap ótkendeı, Saýda jáne ıntegratsııa mınıstrligi mundaı semınarlardy akkredıtteýdiń jańa shemalaryn, onyń ishinde sybaılas jemqorlyqqa qarsy jańa halyqaralyq standarttardy engizý arqyly sybaılas jemqorlyqqa qarsy is-qımyldyń progressıvti ádisteri men tásilderin engizý úshin Úkimettiń tapsyrmasyn oryndaý úshin ótkizedi.
Sonymen qatar, ol ISO 37001 qyzmet aýqymyna qaramastan, sondaı-aq uıymnyń jeke, memlekettik nemese kvazımemlekettik sektorǵa jatatynyna qaramastan, kez kelgen uıymǵa engizilýi múmkin ekenin túsindirdi. Osy standart uıymnyń mólsherine nemese túrine baılanysty beıimdelýi jáne tıisti táýekelderdiń aldyn alýǵa yqpal etýi múmkin.
Biraq Saýda mınıstrligi eksport jáne saýda salasyndaǵy salalyq vedomstvo retinde ony qazaqstandyq kompanııalarmen paıdalaný asa ózekti bolyp tabylady, olar ózderiniń eksporttyq áleýetin arttyryp qana qoımaı, sheteldik naryqtarǵa shyǵýdy josparlap qoımaı, sonymen qatar ishki naryqta belsendi jumys isteıdi.
«Standart irilendirýge qarsy basqarý júıelerin engizýdi qoldaýǵa, aǵymdaǵy baqylaýdy kúsheıtýge arnalǵan. Ol sondaı-aq paraqorlyq táýekelin tómendetýge yqpal etedi jáne múddeli taraptarǵa sybaılas jemqorlyqqa qarsy baqylaý júıesin engizý jónindegi uıym basshylyǵynyń nıetin kórsetedi», - dep atap ótti Q. Tórebaev.
Bul standart sybaılas jemqorlyqqa qarsy saıasatty ázirleýdi kózdeıdi. Eki kún ishinde semınarǵa qatysýshylar halyqaralyq standarttyń qurylymy men talaptarymen tanysady, táýekelderdi anyqtaý ádisteri, aýdıt qaǵıdattary jáne basqarý júıesiniń modeli týraly bilim alady, sondaı-aq ISO 37001 qoldaný boıynsha bastapqy daǵdylardy alady.
