Islandııadaǵy Eııafıatlaıokýdl janartaýy qaıta «otaldy»
ASTANA. Sáýirdiń 20-sy. QazAqparat - Islandııadaǵy birshama damyldap qalǵan Eııafıatlaıokýdl janartaýy qaıta «otaldy», dep habarlady dúısenbi kúni keshke brıtandyq meteorologtar.
«Demi tolyq derlik basyldy degen janartaý qaıta ot atqylaı bastady, bul joly janartaý kúli 10-15 myń fýnt bıiktikke (3 myńnan 4,5 myń metrge deıin) ushýda», - delingen brıtandyq meteoqyzmettiń saıtynda jarııalanǵan habarda.
Buǵan deıin habarlamalarynda ǵalymdar, janartaýdyń demi basylyp, onyń kúli 200 metrdeı bıiktikke ǵana atqylap jatqanyn málim etken bolatyn. Meteoqyzmet janartaý kúliniń 10,6 myń metr bıiktikke jetkeni týraly málimetterdi áli de naqtylaı alǵan joq.
Boljam málimetteri boıynsha, janartaý kúlinen túzilgen bult seısenbi kúni Eýrazııanyń soltústigi men Anlantıkanyń ústinen ótip, ári qaraı batysqa jyljıdy. 6 myń metrdeı bıiktikte ornalasqan osyndaı bulttardyń biri Kanadanyń shyǵys jaǵalaýymen Grenlandııanyń ońtústigi jáne Eýropa arqyly ótip, Batys Sibirge jetýi yqtımal.
