Islandııada janartaý atqylap jatyr

ASTANA. KAZINFORM — Islandııanyń ońtústik-batys bóligindegi Reıkıanes túbeginde ornalasqan Sýndhnýkýr janartaýy atqylaı bastady, dep jazady Sınhýa.

Bul týraly Islandııanyń meteorologııalyq qyzmeti habarlady.

Magmanyń aǵylýy seısenbi kúni tańerteń bastaldy, al janartaýdyń atqylaýy birneshe saǵattan keıin tirkeldi. Jaqyn mańdaǵy Grındavık qalasynyń turǵyndary aldyn ala evakýatsııalandy.

Islandııalyq RUV telearnasynyń habarlaýynsha, Sýndhnýkýr janartaýy el astanasy Reıkıavıkten 42 shaqyrym jerde ornalasqan. Bul — onyń segizinshi atqylaýy.

Lava eki jerden aǵylyp jatyr. Olardyń biriniń uzyndyǵy 700 metr, ekinshisi áldeqaıda kishirek jáne Grındavıktiń qorǵanys qurylymdarynyń ishinde ornalasqan, dep habarlaıdy RUV.

Eldiń meteorologııalyq qyzmetiniń habarlaýynsha, Reıkıanes túbegindegi atqylaý áli bas qalaǵa tikeleı áser etken joq jáne stratosferaǵa aıtarlyqtaı kúldiń bólinýin týdyrmaǵan, bul áýe qozǵalysynda úzilis boldyrmaýǵa múmkindik berdi.

Budan buryn Gavaııdegi Kılaýea janartaýy áli jalyn atyp jatqanyn jazdyq.