Islandııada túrmeden qashqan tutqyn eldiń premerimen birge ushyp ketken
ASTANA. QazAqparat - Islandııada asa iri tonaýdy uıymdastyrýshy Sındrı Tor Steffanson 17 sáýirde eldiń ońtústigindegi túrmeden qashyp ketken, dep habarlaıdy euronews.
Ol krıptovalıýta maınıngine arnalǵan 600-ge jýyq kompıýtterdi urlaýǵa kúdikti dep tanylyp qamaýǵa alynǵan bolatyn. Urlanǵan qurylǵy quny 20 mln dollardy quraǵan.
Steffanson aldymen túrmeden nebári 100 shaqyrym jerdegi Keblavık halyqaralyq áýejaıyna jetken. Artynsha Icelandair áýe kompanııasynyń reısimen Stokgolmge tartyp otyrǵan.
Artynan belgili bolǵandaı, sol reıste shved astanasyna saparmen bara jatqan Islandııa premer-mınıstri Katrın ıAkobsdoýttır de bolǵan.
Eki eldiń polıtseıleri qashqynnyń qolǵa túserine senimdi. Biraq ony izdeý múmkin aptaǵa, aılarǵa, tipti jyldarǵa da sozylýy ǵajap emes.
Ázirge Steffansonnyń ushaq bortyna qalaısha tap bolǵany túsiniksiz. Tergeýshiler bılet jalǵan qujat arqyly satyp alǵan degen boljam jasap otyr.
