Islandııada polıtsııa el tarıhynda alǵash ret qylmyskerge oq atty
ASTANA. 4 jeltoqsan. QazAqparat - Islandııa polıtsııasynyń ofıtserleri el tarıhynda birinshi ret arnaıy operatsııa júrgizý barysynda ustalǵan quqyq buzýshyǵa oq atty.
Qarýlanǵan qylmyskerdi tártip saqshylary Reıkıavık qalasynyń mańyndaǵy atys kezinde óltirip alǵan.
BAQ-tardyń atap ótýinshe, bul quqyq buzýshy Islandııa tarıhyndaǵy polıtsııa qarýynan qaza bolǵan tuńǵysh qylmysker. Basynda 59 jastaǵy er adam tapanshamen kórshilerin jaı qorqytqan kórinedi. Artynan terezeden oq jaýdyrǵasyn polıtsııa oǵan qarsy qarý qoldanýǵa májbúr bolǵan.
322 myń halqy bar Islandııa álemdegi qylmys deńgeıi eń tómen elderdiń biri. Mundaı atystar bul el úshin óte sırek kezdesetin jaǵdaı. Arnaıy operatsııa barysynda qaza bolǵan qaskóıdiń ólimi egjeı-tegjeıli tergeletin bolady, dep habarlady gipoteza.net.
