Islandııada Okıekýdl muzdyǵy erip ketti
NUR-SULTAN. QazAqparat – Islandııada Okıekýdl muzdyǵymen qoshtasý sharasy ótti, dep habarlaıdy QazAqparat BBC agenttigine silteme jasap.
Muzdyq 700 jyldan soń jer betinen joıylyp ketti. Alyp muzdyq 2014 jyly erip barady dep sanalǵan, qazir janartaýdyń basynda az ǵana muz qaldyǵy qaldy.
Qoshtasý rásimine Islandııanyń úkimet basshysy men Qorshaǵan ortany qorǵaý mınıstri keldi.
Úkimet basshysy Katrın ıAkobsdoýttır sóz sóılegen soń, jınalǵandar janartaýdyń ústine shyǵyp eskertkish taqta ornatty. Onda bolashaq urpaqqa úndeý jazylǵan.
«Aldaǵy 200 jylda bizdiń barlyq muzdyqtarymyz joıylady. Bul eskertkish bizdiń ne bolyp jatqanyn biletinimizdi jáne ony toqtatý úshin ne isteýimiz kerektigin kórsetedi. Sender (bolashaq urpaq) biz sony jasadyq pa joq pa biletin bolasyńdar», delingen taqtada.
