Islandııada alǵash ret masalar anyqtaldy

ASTANA. KAZINFORM — Eldiń ońtústik-batysynan tabylǵan úsh masa Culiseta annulata túrine jatady, dep habarlaıdy DW.

The Guardian basylymynyń jergilikti ǵalymdarǵa silteme jasap habarlaýynsha, masalardyń bul túri sýyqqa tózimdi bolyp keledi, ári qys mezgilinde jertóle men ambar sekildi jyly oryndarda jasyrynyp, Islandııada tirshilik ete alady.

Buǵan deıin Islandııa — Antarktıdadan bólek, Jer sharyndaǵy masalardyń turaqty popýlıatsııasy bolmaǵan jalǵyz aımaq sanalyp kelgen.

Ǵalymdar bul qubylysty jahandyq klımattyń ózgerýimen baılanystyryp otyr.

Klımatologterdiń málimetinshe, Islandııa Soltústik jarty shardaǵy eń tez jylyp kele jatqan elderdiń biri sanalady.

Budan buryn Ulybrıtanııada masalar arqyly vırýs juqtyrý jaǵdaılary eki ese óskenin jazǵanbyz.