Islandııa Eýropalyq Odaqqa kirý jóninde referendým ótkizýdi josparlap otyr
ASTANA. KAZINFORM — Islandııa úkimeti Eýropalyq Odaqqa (EO) kirý jónindegi kelissózderdi qaıta bastaý máselesi boıynsha 29 tamyzda referendým ótkizýdi usyndy, dep habarlaıdy Euronews.
Islandııanyń Syrtqy ister mınıstri Krıstrýn Frostadoýttırdiń aıtýynsha, tıisti usynys kelesi aptada parlamenttiń qaraýyna jiberiledi.
Eýropalyq komıssııa bul sheshimdi quptaıtynyn málimdedi.
– Islandııa — Eýropalyq odaqtyń jaqyn ári qundy seriktesi, Bizdiń yntymaqtastyǵymyz qazirdiń ózinde berik ári keń aýqymdy. Biz ıslandııalyq bılikpen tyǵyz ózara is-qımyldy jalǵastyryp, ony odan ári nyǵaıtýdy asyǵa kútemiz, — dedi Eýrokomıssııanyń baspasóz hatshysy Markýs Lammert.
Islandııa Eýropalyq odaqqa múshelikke ótinimdi 2009 jyly, halyqaralyq qarjy daǵdarysy aral ekonomıkasyna aıtarlyqtaı soqqy jasaǵan kezeńde bergen. 2010–2013 jyldary júrgizilgen kelissózder barysynda 33 kelissóz taraýynyń 11-i jabyldy.
Alaıda 2015 jyly Islandııa úkimeti bul kelissózderden shyǵý týraly sheshim qabyldady.
Aıta keteıik, EO AQSh-pen saýda kelisimin ratıfıkatsııalaýdy ýaqytsha toqtatýy múmkin.
