Islamofobııa jaıly fılm halyqaralyq kınofestıval júldesine ıe boldy
ASTANA. 18 mamyr. QazAqparat - Kanadalyq tilshi ári rejısser, tegi aljırlik Nadııa Zýaýıdiń Monrealda ótken halyqaralyq afrıkalyq kınolar festıvalinde mereıi ústem tústi. Onyń ıslamofobııanyń órship bara jatqanyn baıandaıtyn derekti fılmi halyqaralyq dúbirli dodada birden eki birdeı bedeldi syılyqty qanjyǵasyna baılady. Bul jaıynda oumma.com portalyna silteme jasap muslim.kz habarlady.
Atalmysh fılmde qyrkúıektiń 11-i kúni bolǵan AQSh-taǵy álemdi ábigerge salǵan qaıǵyly oqıǵadan keıin ıslamofobııanyń sýmańdaǵan jalyn tilindeı boı bermeı ketkeni jáne musylmandardy orynsyz qaralaý, qýdalaý sekildi keleńsizdikter sóz bolǵan. «Úreı, ashý-yza jáne saıasat» dep atalatyn beınefılm adam quqyǵyna qatysty túıtkilderge arnalǵan kınofestıvaldiń arnaıy syılyǵyn alyp, marapatqa ıe boldy.
«Islamofobııanyń naqaq qurbanyna aınalyp, ishten tynǵan musylmandar úshin janym kúıedi. Sol sebepti, osy taqyrypty tańdadym», - dedi ol. Onyń derekti kartınasy festıval aıaqtalǵan soń birden Monreal, Kvebek jáne Ottava qalalarynyń kınoteatrlarynda kórsetiledi. Sondaı-aq, Al Arabiya jáne Al Jazeera azýly telearnalary da ony óz aýdıtorııasyna usynady. «Meniń bul jeńisim álemniń nazaryn osynaý jat qubylysqa aýdarýǵa septigin tıgizse, maqsatyma jetkenim», - dedi ol sóziniń sońynda.
