Islamıada oıyndary: Júzýden Qazaqstan sheberleri 3 medal aldy

KONЬıA. QazAqparat – Júzýden Qazaqstan sportshylary Túrkııada ótip jatqan Islam yntymaqtastyǵy oıyndarynda taǵy úsh medal jeńip aldy, dep habarlaıdy QazAqparat Olympic.kz saıtyna silteme jasap.

Erkin ádispen 4 h 100 metr estafetasynda áıelder komandasy úshinshi bolyp márege jetti.

Al 100 metr qashyqtyqqa brass ádisimen júzýden Adelaıda Pchelnıtseva qola júldeger atandy.

Ksenııa Ignatova da 50 metrge shalqalaı júzýden jeńis tuǵyrynyń úshinshi satysyna kóterildi.

Eske salaıyq, keshe qazaqstandyq sýǵa júzýshiler Islam yntymaqtastyǵy oıyndarynda eki qola medal alǵan bolatyn.

Foto: olympic.kz