Islamhan Qazaqstannyń sáýirdegi úzdik fýtbolshysy atandy
ASTANA. QazAqparat - «Qaırat» komandasynyń kapıtany Baýyrjan Islamhan Sports.kz portaly taǵaıyndaǵan «Almaz» syılyǵynyń laýreaty atandy. Atalmysh syılyq osy aıdyń qorytyndysy boıynsha berildi, dep habarlaıdy «QazAqparat» tilshisi.
Qazaqstandyq bas bapkerler men Premer-Lıga fýtbolshylary arasyndaǵy saýalnama boıynsha, el vıtse-chempıondardyń 24 jasar shabýyldaýshy jartylaı qorǵaýshysy 26 upaı jınap, qarsylastarynan aıtarlyqtaı zor aıyrmashalyqpen aldyǵa shyqty.
Ekinshi eń kóp daýysty «Ertis» oıynshysy Aslan Darabaev aldy. Úzdik úshtikti «Qaırat» komandasynyń taǵy bir ókili, 13 upaı jınaǵan Isael tuıyqtady. Almatylyq klýbta óner kórsetetin brazılııalyq fýtbolshy óziniń «qolasyna» sáýir aıynyń eń úzdik legıoneri ataǵyn qosyp aldy.
