Islamǵa til tıgizgetin sms-habarlama taratqandar ólim jazasyna kesildi
ASTANA. QazAqparat - Pákistanda hrıstıandyq erli-zaıyptylarǵa ıslamǵa til tıgizgendigi úshin ólim jazasyna kesý týraly úkim shyǵaryldy.
Shafgat Emmanýel men onyń zaıyby Shagýft Kaýsar Muhammed paıǵambardy (s.ǵ.s) qaralaıtyn sms-mátinderdi jibergeni úshin aıypty dep sanaldy.
Aıyptaýshylardyń nusqasyna qaraǵanda, bul habarlamalardy olar ıslam dinin ustanatyn Pendjabtyń bedeldi turǵyndaryna jibergen eken. Sottalýshylardyń qorǵaýshysy sot úkimimen kelispeıtindigin jáne ony ózgertýge talpynys jasaıtyndyǵyn atap ótti. Onyń paıymynsha, sot kezinde ádilettilik ustanymynyń qaǵıdalary oryndalmady, dep jazady sheteldik BAQ.
Pákistanda is júzinde ólim jazasyna moratorıı jarııalanǵan, sondyqtan da erli-zaıyptylarǵa qatysty osy aýyr jazanyń qoldanylýy ekitalaı. Pákistanda ıslamǵa til tıgizý aýyr qylmys bolyp sanalady.
