Islamǵa qarsy kezekti arandatqysh fılmniń shyǵýyna baılanysty Belgııa polıtsııasy kúsheıtilgen tártipke kóshti
BRıÝSSELЬ. 8 jeltoqsan. QazAqparat - Belgııada lańkestik qaýpiniń deńgeıi 4 baldyq shkala boıynsha úshinshi dárejege deıin kúsheıtildi, dep habarlaıdy jergilikti BAQ.
Oǵan kórsetilimi 14 jeltoqsanǵa josparlanǵan Ispanııada turatyn pákistandyq Imran Fırasat túsirgen «Kúnásiz paıǵambar» (The Innocent Prophet) atty ıslamǵa qarsy kezekti fılm sebep boldy, onda avtor Muhammed paıǵambarǵa til tıgizgen.
Oryn alýy yqtımal tártipsizdikter nemese ekstremıstik belsendilikke baılanysty Belgııanyń barlyq arnaıy qyzmetteriniń daıyndyq deńgeıi kúsheıtildi. Taıaý Shyǵys jáne Soltústik Afrıkadan shyqqan azamattar tyǵyz turatyn aımaqtardaǵy polıtsııa bólimsheleri erekshe tártipke kóshti.
Belgııanyń bılik ókilderiniń pikirinshe, Ǵalamtorda musylmandarǵa qarsy baǵyttalǵan jańa arandatqysh fılminiń shyǵýy jappaı sherýlerge, polıtsııamen qaqatyǵystarǵa, qalalyq jastar bandylary taraptynan zorlyq áreketterine ákep soǵýy múmkin.
Aǵymdaǵy jyldyń kúzinde shyqqan «Musylmandar páktigi» fılminiń shyǵýy Belgııanyń birqatar aýdandarynda tártipsizdiktiń ornaýyna sebep boldy.
