«Islamdyq qarjy jáne ınvestıtsııa boıynsha jahandyq top» quryldy
ASTANA. 10 qarasha. QazAqparat - Brıtan bıligi ıslamı qarjy salasyn jańa deńgeıge kóterý úshin «Islamı qarjy jáne ınvestıtsııa boıynsha jahandyq top» (GIFIG) qurdy, dep habarlady muslim.kz.
Atalmysh topqa Islam yntymaqtastyq uıymynyń (OIC) joǵary laýazymdy tulǵalary men retteýshi organdarynyń ókilderi múshelikke endi. Bul topqa syrtqy saıasat vedomstvasynyń memlekettik mınıstri, baronessa Saıda Varsı (Saeeda Warsi) jetekshilik etetin boldy.
Ótken seısenbide WIEF-niń ashylý saltanatynda sóz sóılegen brıtan premer-mınıstri Devıd Kemeron GIFIG-niń qurylǵanyna razylyǵyn bildirip, Ulybrıtanııa Islam áleminiń qarjy quıýyna qolaıly el bolýyna kúsh salatynyn jetkizdi.
Qarjy mınıstrliginiń málimetine qaraǵanda, GIFIG-ke Kýveıttiń, Bahreınniń, Katardyń, Birikken Arab Ámirlikteriniń jáne Malaızııanyń ortalyq bank basshylary, ıslamı qarjy mekemeleriniń negizgi tulǵalary, aldyńǵy qatarly sarapshylar men mamandary kiredi.
Atalmysh toptyń alǵashqy májilisi brıtan bıliginiń qoldaýymen 2014 jyldyń qańtar aıynda ótedi.
