Islambek Qýat Reseıdiń «Hımkı» komandasyna aýysty
NUR-SULTAN. QazAqparat - Qazaqstandyq fýtbolshy Islambek Qýat Reseıdiń «Hımkı» komandasynda oınaıtyn boldy, dep habarlaıdy QazAqparat tilshisi.
Bul jóninde «Hımkı» klýby habarlady . Málim bolǵandaı, ol medıtsınalyq komıssııadan sátti ótken.
Fýtbolshy resmı túrde komanda quramyna qosyldy.
Aıta keteıik, «Hımkı» klýby 12 qyrkúıekte Ekaterınbýrgtiń «Ýral» komandasymen kezdesedi.
Islambek Qýat 1993 jyly Qaraǵandy oblysy Shet aýdany Aǵadyr aýylynda dúnıege kelgen.
Elimizde «Astana», «Oqjetpes», «Aqtóbe» jáne «Qaırat» komandalarynda oıyn kórsetti. Bıyl Reseıdiń «Orenbýrg» klýbynyń namysyn qorǵady.
Sondaı-aq, búgin fýtboldan Qazaqstan Premer-lıgasynda eki oıyn ótti.
