Islambek Qýat astanalyq «Jeńis» fýtbol klýbyna aýysty

ASTANA. KAZINFORM — Tájirıbeli qazaqstandyq jartylaı qorǵaýshy «Jeńis» fýtbol klýbynyń qataryna qosyldy.

«Jeńis» klýbynyń baspasóz qyzmetinen málim etkenindeı, Islambek – elorda fýtbol mektebiniń túlegi.

Islambek Qýattyń sporttyq joly «Jeńistiń» fýtbol ortalyǵynan bastaldy. Kásipqoı mansabynda «Oqjetpes», «Astana», «Aqtóbe», «Qaırat» jáne reseılik «Orenbýrg», «Hımkı» fýtbol klýbtarynda dop tepti.

Almatylyq «Qaıratpen» birge eki ret Qazaqstan kýbogyn jeńip aldy. Islambek elimizdiń premer-lıgasy men kýbogynda 250-den astam match ótkizgen.

Qazaqstan ulttyq quramasy sapynda 64 oıynda alańǵa shyǵyp, 6 gol soqty.

I.Qýat Túrkııada jańa maýsymǵa daıyndalyp jatqan «Jeńis» quramynda alǵashqy jattyǵýyn ótkizip úlgerdi. 

Eske sala keteıik, budan buryn Batys Qazaqstanda jańa fýtbol klýby qurylǵanyn jazǵan bolatynbyz.