Islamabadta 25 aqparat agenttiginiń basshylary medıakeńistik máselelerin talqylady
Oǵan 25 halyqaralyq aqparat agenttiktiń basshylary qatysty. Qazirgi qoǵamdaǵy medıakeńistiktiń jańa syn-tegeýrinderi konferentsııa jumysynyń basty máselesi boldy.
Sharany APP bas dırektory Masýd Málik kirispe sózben ashty. Ol áleýmettik jelilerdiń damýyna, jalǵan aqparattardyń shyǵýyna baılanysty týyndap otyrǵan ózekti máselelerdi qozǵap, faktchekıng jumysyna asa muqııat qaraý qajettigin tilge tıek etti.
Konferentsııada Pákistannyń ulttyq qaýipsizdik jónindegi keńesshisi general-leıtenant Naser Han Djandjýa sóz sóıledi. Ol terrorızmge qarsy kúres salasyndaǵy BAQ róliniń mańyzyna toqtala otyryp, Pákistandaǵy lańkestikke qarsy qyzmetpen baılanysty qazirgi tendentsııalardy atap kórsetti. Budan tys, jıynda Pákistan Islam Respýblıkasy aqparat jáne habar taratý mınıstri Marııým Aýrangzeb eldegi BAQ-tyń damýy, osy salada atqarylyp otyrǵan mańyzdy jumystar jáne halyqaralyq yntymaqtastyq týraly aıtty.
Konferentsııa aıasynda tsıfrlandyrý jáne jelilik damý máselelerine arnalǵan birneshe sessııa ótkizildi.
Konferentsııaǵa «QazAqparat» HAA bas dırektory Asqar Ýmarov ta qatysyp, «QazAqparat» halyqaralyq aqparat agenttigi, «Tsıfrlyq Qazaqstan», «Rýhanı jańǵyrý» baǵdarlamalary týraly áńgimeledi.