Islamabad Qazaqstan Prezıdentiniń saparyna daıyndalyp jatyr

ASTANA. KAZNFORM - Islamabad Qazaqstan Prezıdentiniń memlekettik saparyna daıyndalyp jatyr.

Bul týraly BORT №1 Telegram arnasynan málim boldy.

Aıta keteıik, osyǵan deıin Prezıdenttiń 3-4 aqpan kúnderi Pákistan Islam Respýblıkasyna memlekettik saparmen baratyny týraly jazǵan edik.

Sapar aıasynda Memleket basshysy Qasym-Jomart Toqaev Premer-mınıstr Shahbaz Sharıfpen jáne Prezıdent Asıf Alı Zardarımen kelissózder júrgizip, saıası, saýda-ekonomıkalyq jáne mádenı-gýmanıtarlyq yntymaqtastyqty nyǵaıtý perspektıvasyn talqylaıdy.

Sonymen qatar Qazaqstan-Pákistan bıznes forýmyna qatysý josparlanǵan.