Islam yntymaqtastyǵy uıymynyń basshysy otstavkaǵa ketti
ASTANA. QazAqparat - Islam yntymaqtastyǵy uıymynyń basshysy saýdııalyq Iıad Madanı Egıpet prezıdenti Abdel-Fattah Sısıge qatysty aıtqan ázil áńgimesi el bıliginiń ashý-yzasyn týǵyzǵan soń otstavkaǵa ketti.
Bul týraly reseılik Bı-bı-sı habarlady. Islam yntymaqtastyǵy uıymynyń resmı málimdemesinde Iıadtyń densaýlyq jaǵdaıyna baılanysty basshylyqtan ketip bara jatqany aıtylǵan.
Osyǵan deıin Madanı Egıpet elinen keshirim surap, óziniń eshkimniń ar-namysyna tııýge nıeti bolmaǵandyǵyn aıtqan.
Egıpettiń Syrtqy ister mınıstrligi bul áreketti uıymnyń negizin qalaýshylardyń birine qatysty jasalǵan óte zor tártip buzýshylyq dep esepteıtindikterin jetkizdi.
Madanı osyǵan deıin Týnıs prezıdenti as-Sebsıdi Egıpet basshysy as-Sısıdiń tegimen atap jiberdi. Óziniń osy áreketin jýyp-shaıý úshin ol onyń tońazytqyshyna «sýdan basqa da nárseler bar ekenine senimdimin» degen bolatyn.
Osylaısha, ol Egıpet prezıdentiniń jaqynda ǵana «óziniń tońazytqyshynda «10 jyl boıy sýdan basqa eshteńe bolmaǵany» týraly málimdemesine astarlap nazar aýdarǵan bolatyn.
