Islam Yntymaqtastyǵy uıymy jańa bas hatshysyn saılady
ASTANA. QazAqparat - Islam yntymasqtastyǵy uıymy (IYU) Saýd Arabııasynyń ókili ıÝsef ben Ahmed ál-Ýsaımındi uıymnyń bas hatshysy qyzmetine saılady, delingen IYU-nyń resmı saıtynda dep habarlaıdy Rıa Novostı agenttigi.
Bul sheshim Islam yntymaqtaǵy uıymyna múshe memleketterdiń syrtqy ister mınıstrleriniń deńgeıindegi shuǵyl májilis barysynda biraýyzdan qabyldandy. Uıymnyń burynǵy bas hatshysy Saýd Arabııasynyń ókili Iıad Madanı Egıpet prezıdenti Abdel Fattahe as-Sısı týraly aıtqan áziline qalyń kópshilik tarapynan kóp syn aıtylǵan soń otstavkaǵa ketý týraly ótinish berdi.
Ál-Ýsaımın 1976 jyly Saýd Arabııasynda Saýd koroli atyndaǵy Ýnıversıtettiń Áleýmettaný jáne áleýmettik qyzmet bólimin bitirgen. Keıin 1982 jyly áleýmettaný boıynsha AQSh Ogaıo ýnıversıtetiniń magıstri ataǵyn aldy. 1986 jyly áleýmettik qorǵaý taqyrybynda kandıdattyq dıssertatsııa qorǵady.
Ol Saýd koroli Ýnıversıtetinde oqytýshy bolyp jumys istedi, sodan keıin eńbek jáne áleýmettik qorǵaý mınıstrliginiń keńesshisi bolyp taǵaıyndaldy. Keıinirek ol osy mekemeni basqaryp, 2014 jyldyń jeltoqsanyna deıin mınıstr boldy. Islam yntymaqtastyǵy uıymy áleýmettik, ekonomıkalyq jáne saıası salalarda ıslam tilektestigin qamtamasyz etý maqsatynda 1969 jyly qyrkúıek aıynda quryldy. Onyń quramyna 57 memleket kiredi.
