Islam yntymaqtastyǵy oıyndarynda jeńil atlet Mıhaıl Lıvtın altyn medal aldy
NUR-SULTAN. QazAqparat - Túrkııanyń Konıa qalasynda ótip jatqan Islam yntymaqtastyǵy oıyndarynda jeńil atlet Mıhaıl Lıvtın altyn medal aldy, dep habarlaıdy QazAqparat tilshisi.
Ol 400 metrlik qashyqtyqta júgirýden saıysqa tústi. Nátıjesinde 45,36 sekýndtyq kórsetkishpen máre syzyǵyn birinshi bolyp qıdy.
M. Lıtvın irikteý kezeńinde 44,94 sekýndtyq kórsetkishpen Qazaqstan rekordyn jaǵartqan edi.
Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.
Bıylǵy dodada 55 elden sportshylar keldi. Oıyndar 8 tamyzda bastaldy. Ol 18 tamyzda máresine jetedi.
Qazirge deıin qazaqstandyq sportshylar 15 medalmen (6 altyn, 1 kúmis, 8 qola) jalpykomandalyq esepte úshinshi orynda tur.
Kósh basynda 54 (22-18-14) medalmen Túrkııa quramasy kele jatsa, ekinshi orynda 29 medalmen (9 altyn, 13 kúmis, 7 qola) Iran sportshylar tur.
Eske salsaq, budan buryn ındor hokkeıden Azııa kýbogynda qazaqstandyq eki qurama da jeńiske jetti.
Foto: sport.kz
