Islam yntymaqtastyǵy oıyndarynda sporttyq gımnastıkadan qazaqstandyqtar tórt júlde aldy
NUR-SULTAN. QazAqparat - Túrkııada ótip jatqan Islam yntymaqtastyǵy oıyndarynda sporttyq gımnastıkadan qazaqstandyqtar tórt medal jeńip aldy, dep habarlaıdy QazAqparat tilshisi.
Qazaqstandyq sportshylar komandalyq jarysta úzdik úshtikten kórindi.
Sondaı-aq, jekeleı synda úsh kúmis júlde qorjynǵa tústi. Atap aıtqanda, Mılad Karımı kerme, Narıman Kýrbanov gımnastıkalyq at, Dmıtrıı Patanın erkin jattyǵýdan júldegerler qatarynan kórindi.
Islam yntymaqtastyǵy oıyndary 2005 jyldan beri turaqty ótkizilip keledi. Bıyl besinshi márte jalaýyn jelbiretti.
Bıylǵy dodaǵa 55 elden sportshylar keldi. Oıyndar 8 tamyzda bastaldy. Ol 18 tamyzda máresine jetedi.
Eske salsaq, búgin Islam yntymaqtastyǵy oıyndarynda Arlı Chonteı chempıon atandy.
Sondaı-aq, qazaqstandyq taekvondoshy Jansel Denız Islam yntymaqtastyǵy oıyndarynyń qola júldegeri atandy.
