Islam yntymaqtastyǵy oıyndarynda el namysyn jeti boksshy qorǵaıdy
ASTANA. QazAqparat - 9-19 mamyr aralyǵynda Bakýde ótetin Islam yntymaqtastyǵy oıyndarynda synǵa túsetin boksshylarymyz belgili boldy, dep habarlaıdy QazAqparat tilshisi.
Bul baıraqty básekede Qazaqstan namysyn jeti boksshy qorǵaıdy.
Olar:
52 keli - Azat Mahmetov,
56 keli - Nurbol Qaljanov,
60 keli - Sultan Záýirbek,
64 keli - Qýan Qýatov,
69 keli - Ilıa Ochkın,
75 keli - Tursynbaı Qulahmet,
+91 keli - Nurlan Saparbaı.
Esterińizge sala keteıik, Islam yntymaqtastyǵy oıyndaryn ótkizip turý sheshimi Saýd Arabııasynda 2013 jyly ótken Islam yntymaqtastyǵy sport federatsııasy VIII Bas assambleıasynda qabyldanǵan. Islam uıymshyldyq oıyndary - Islam Yntymaqtastyq uıymyna múshe elderdiń qatysýymen tórt jylda bir ret ótetin sporttyq doda. Oıyndardyń baǵyty men baqylaýyna Islam uıymshyldyq oıyndary federatsııasy jaýapty. Múshe elderde musylman emes azamattardyń da jarystarǵa qatysýyna ruqsat berilgen.
Birinshi ret 2005 jyly Saýd Arabııasynda uıymdastyryldy. Sońǵy oıyn 2013 jyly Indonezııada ótti.
