Islam talabyna saı tyrnaq lagy oılap tabyldy
ASTANA. 29 qańtar. QazAqparat - AQSh-ta «Inglot» atty opa-dalap jasaıtyn polıak kompanııasy musylman qyz-kelinshekterge arnalǵan, Islam talaptaryna tolyq saı keletin tyrnaq boıaıtyn lak oılap tapty.
muslim.kz saıtynyń jazýynsha, jańa laktyń kádimgi keń qoldanystaǵy túrlerinen basty ereksheligi - tyrnaqtyń astyna aýa men sý ótkize alady. Sebebi O2M degen ataý berilgen bul laktyń quramynda sý men aýany ótkizýge múmkindik beretin polımer bar kórinedi.
Endi namazhan arýlar dáret kezinde tyrnaqtaryndaǵy lakty ketirip áýrege túspeıdi. Munyń durystyǵyn osy saladaǵy musylman professory Mustafa Omar túsindiredi. Ol: «Islamda lakqa tyıym salynýynyń sebebi mynada: bul qospanyń ishinde tyrnaqtarǵa múlde sý ótkizbeıtin zattar bar. Osyǵan baılanysty Islam ǵalymdary áıelderge lakty múlde qoldanbaýǵa nemese ár namazdyń aldynda qyryp, sosyn qaıta jaǵýǵa ruqsat bergen bolatyn», - deıdi.
