Islam Sátpaev nysana kózdeýden Azııa oıyndarynyń fınalyna shyqty
ASTANA. KAZINFORM — Qazaqstan erler quramasy nysana kózdeýden Aıchı-Nagoıada (Japonııa) ótip jatqan Azııa oıyndarynyń irikteý kezeńinde baq synady.
Islam Sátpaev, Konstantın Malınovskıı jáne Nıkıta Shahtorın 50 metrden úsh qalypta myltyqpen atýdan irikteý kezeńine qatysty.
Nátıjesinde Islam Sátpaev 584 upaı enshilep, fınalǵa ótti. Al Konstantın Malınovskıı 583 upaımen 13-oryn, Nıkıta Shahtorın 579 upaımen 20-orynmen jarysty aıaqtady.
Іrikteý kezeńiniń upaılary komandalyq básekede de esepke alyndy. Qazaqstan quramasy 1746 upaımen besinshi orynǵa jaıǵasty. Qytaı birinshi oryn alsa, Úndistan ekinshi orynǵa ıe boldy. Al Ońtústik Koreıa úzdik úshtikti túıindedi.
Aıta ketelik Qazaqstandyq semserlesýshiler Aıchı-Nagoıada jartylaı fınalǵa joldama alǵan edi.
