Islam Salımov Londonda bolatyn paralımpıadalyq oıyndardyń joldamasyn enshiledi
ASTANA. 3 sáýir. QazAqparat - Birikken Arab Ámirliginiń Dýbaı qalasynda ótken múmkindigi shekteýli sportshylar arasynda jeńil atletıkadan halyqaralyq týrnırde aldaǵy ýaqytta bolatyn paralımpıadalyq oıyndaryna joldama sarapqa salyndy
«Alaman» portalynyń málimetinshe, bul týrnırde jerlesimiz Islam Salımov uzyndyqqa sekirýden aldyna jan salǵan joq. Sondaı-aq, ol 400 metrge júgirýden kúmis aldy. Jerlesimiz 800 metrge jarysýda máre syzyǵyn tórtinshi bolyp kesti. Odan keıin atalmysh eldiń Shardj qalasynda ótken ol halyqaralyq týrnırde uzyndyqqa sekirý men 200 metr júgirýden birinshi oryn aldy. Osynyń nátıjesinde qyzylordalyq sportshy halyqaralyq týrnırlerde eki márte normatıvti oryndady. Ol endi Londonda bolatyn paralımpıadalyq oıyndarda baq synaıtyn bolady.
I.Salımov 1989 jyly Qyzylorda qalasynda dúnıege kelgen. 2004 jyldan bastap jeńil atletıkamen aınalysady. Qazir halyqaralyq dárejedegi sport sheberi ataǵyna ıe bolǵan. Sondaı-aq, qaısar minezdi jigerli jigit eki dúrkin Azııa oıyndarynyń qola júldegeri atanǵan.
