Islam oıyndary: Qazaqstandyq bes boksshy jartylaı fınalǵa shyqty

ASTANA. QazAqparat - Qazaqstandyq bes boksshy Bakýde ótip jatqan IV Islam yntymaqtastyq oıyndarynyń jartylaı fınalyna shyqty, dep habarlaıdy Qazaqstan boks federatsııasynyń baspasóz qyzmeti.

16 mamyrda ótken sharshy alań básekesinde Qýan Kýatov (64 kg) túrikmen boksshysyn nokdaýnǵa túsirip, 5:0 esebimen jeńiske jetti. Azat Mahmetov (52 kg) pákistandyq Sýed Mýhammad Asıfti súrindirdi. Tursynbaı Kulahmettiń (75 kg) qarsylasy ózbekstandyq Mahmýd Gaıpov úshinshi raýndtan keıin rıngke shyǵýdan bas tartty.

Aıta ketken jón, buǵan deıin jartylaı fınalǵa  Sultan Zaýrbek (60 kg) jáne Ilıa Ochkın (69 kg) shyqqan bolatyn.

Eske sala keteıik,  12-22 mamyr aralyǵynda Ázerbaıjan astanasy Bakýde IV Islam yntymaqtastyq oıyndary ótýde. Oıyndarǵa 54 elden shamamen 3500 sportshy qatysýda. Qazaqstan atynan bes baǵyt boıynsha 32 sportshy el namysyn qorǵaýda.