Islam oıyndary: Azat Mahmetov Qazaqstan qorjynyna alǵashqy altyndy saldy

BAKÝ. QazAqparat - Bakýde ótip jatqan IV Islam yntymaqtastyq oıyndarynda qazaqstandyq boksshy Azat Mahmetov marokkalyq qarsylasyn 4:1 esebimen jeńip, Qazaqstan qorjynyna  alǵashqy altyn medaldy saldy, dep habarlaıdy «QazAqparat» HAA Ázerbaıjandaǵy menshikti tilshisi.

Bul medal Islam yntymaqtastyq oıyndaryndaǵy qazaqstandyqtardyń alǵashqy altyny.

Eske sala keteıik,  12-22 mamyr aralyǵynda Ázerbaıjan astanasy Bakýde IV Islam yntymaqtastyq oıyndary ótýde. Oıyndarǵa 54 elden shamamen 3500 sportshy qatysýda. Qazaqstan atynan bes sport túrinen 32 sportshy qatysyp jatyr.