Islam otbasynda bala tárbıesi mańyzdy

ALMATY. QazAqparat – Almaty qalasy Qoǵamdyq damý basqarmasynyń janyndaǵy Keńes berý jáne ońaltý ortalyǵynyń uıymdastyrýymen dindar áıelder jamaǵatynyń arasynda «Otbasy jáne bala psıhologııasynyń mańyzdylyǵy» psıhologııalyq trenıngi ótti, dep habarlaıdy QazAqparat.

Psıhologııalyq trenıngti ortalyqtyń psıholog mamany Ahmetov Baýyrjan jáne dintanýshy mamany Jetpisbaı Nazerke júrgizdi.

Ahmetov Baýyrjan búgingi kúnde ózekti bolyp otyrǵan otbasylyq máseleler, sonyń ishinde balamen qarym-qatynastyń joǵalýy, onyń basty sebepteri jáne aldyn-alý joldary, sondaı-aq bala psıhologııasynyń mańyzdylyǵy týrasynda sóz etti.

Jetpisbaı Nazerke qoǵamda teris aǵym ıdeologııasyna ushyraǵan jastar týraly, sonyń ishinde teris aǵym ókilderine aldaný, áleýmettik jeli zardaby, jalǵan neke qurbandary, sondaı-aq soǵys oshaqtarynan oralǵan qazaqstandyqtar týraly áńgime órbitti. Jat aǵymdarǵa aldanbaýdyń túrli joldaryn aıtyp, balalardyń árbir is-áreketin baqylap, bala tárbıesine jaýapkershilikpen qaraýdyń mańyzdylyǵyn jetkizdi.

Qatysýshylar óz suraqtaryn qoıyp, pikirlerin erkin bildirip, ashyq suhbattasty. Shara sońynda qatysýshylar óz suraqtaryn qoıyp, pikirlerin erkin bildirip, ashyq suhbatpen aıaqtaldy.