«Islam memleketiniń» sodyrlary japondyq tutqyndardy bosatý úshin 200 mln. dollar talap etýde
ASTANA. QazAqparat - «Islam memleketiniń» sodyrlary japondyq eki tutqyndy óltirip tastaımyz dep qorqytyp otyr. Bul týraly toptyń jarııa etilgen beınejazbasynda aıtylǵan.
Beınerolıkte japon úkimetiniń «Islam memleketimen» soǵysyp júrgen elderge kómek kórsetýge ýáde bergeni úshin min taǵyp otyrǵan sodyr kórsetilgen. Ol eger Tokıo atalǵan topqa 200 mıllıon dollar kóleminde aqsha tólemese, qoldaryndaǵy eki tutqyndy ajal qushtyratyndaryn aıtyp qorqytty. Atalǵan beınejazbanyń shynaıylyǵyna kóz jetkizý ázirge múmkin bolmaı otyr. Al Japonııanyń Syrtqy ister mınıstrligi Reıter agenttigine qazirgi kezde beınejazbanyń qanshalyqty shynaıy ekeni anyqtalyp jatqanyn habarlady.
Vedomstvo ókili sonymen qatar tutqyndardy bosatý úshin bıliktiń qoldan keletinniń bárin jasap otyrǵanyn aıtty, biraq tutqyndardy aqsha tólep bosatý talaby týraly esh túsinikteme bergen joq.
